අතෙන්, ලෝකෙම control කරන්න.

පොඩ්ඩක් හිතන්න, ඔයාගේ අතේ සිද්ධ වෙන පොඩි සංඥාවකින්, ඒ කියන්නෙ gesture එකකින් රොබෝ කෙනෙක්ව පාලනය කරන්න පුළුවන් වුණොත්? මේක හරියට Sci-Fi ෆිල්ම් එකක වගේ වැඩක් නේද? හැබැයි MIT පර්යේෂකයන් මේක දැන් ඇත්තක් කරලා තියෙනවා. මේ අලුත්ම තාක්ෂණයට කියන්නේ SoniStrap කියලා.

🧠 මොකක්ද මේ device එක?
මේක අතේ මැණික් කටුවට දාගන්න පුළුවන් wristband එකක්. මේක ඇතුළේ තියෙන AI පද්ධතියට පුළුවන් ඔයාගේ අත් සහ ඇඟිලි වල චලනයන් හරිම නිවැරදිව තේරුම් ගන්න.

⚙️ මේක වැඩ කරන්නේ කොහොමද?
මේකේ තියෙන විශේෂත්වය තමයි අනිත් ඒවට වගේ මේකට කැමරා ඕන වෙන්නේ නැති එක. මේක වැඩ කරන්නේ Ultrasound තාක්ෂණය පාවිච්චි කරලයි.

චලනයන් අඳුනගන්න එක: ඔයා අත හරි ඇඟිලි හරි හොලවනකොට, අත ඇතුළේ තියෙන පේශී සහ කණ්ඩරා (Tendons) වල සිද්ධ වෙන පොඩි වෙනස්කම් මේ බෑන්ඩ් එකට අහුවෙනවා.

AI එකෙන් බලන විදිහ: ඒ වෙලාවෙම AI එකෙන් ඔයා කරන චලනය මොකක්ද කියලා analyze කරලා බලනවා.

Command එක දෙන එක: ඊට පස්සේ ඒ දත්ත විධානයක් විදිහට රොබෝ අතකට හරි computer එකකට හරි යවනවා.

🌟 මේකේ තියෙන වාසි මොනවද?
සාමාන්‍යයෙන් මේ වගේ දේවල් වලට කැමරා ඕන නිසා අත පේන්න තියෙන්න ඕනේ. හැබැයි මේ SoniStrap එකේ ultrasound තාක්ෂණය නිසා ඔයාගේ අත ජැකට් එකකින් වැහිලා තිබුණත්, නැත්නම් සාක්කුව ඇතුළේ තිබුණත් කිසිම ප්‍රශ්නයක් නැතුව වැඩේ සිද්ධ වෙනවා.

🎮 මේකෙන් කරන්න පුළුවන් දේවල්:
🤖 රොබෝ අත් පාලනය කරන්න: දුර ඉඳන් රොබෝවරුන්ට විධානයන් දෙන්න.
🎮 Gesture-based Gaming: කිසිම controller එකක් නැතුව අතේ චලනයන්ගෙන් විතරක් ගේම්ස් ප්ලේ කරන්න.
🦾 කෘතිම අත් (Prosthetics): අත් අහිමි වුණ අයට තමන්ගේම අත වගේ රොබෝ අතක් පාලනය කරන්න මේකෙන් ලොකු උදව්වක් ලැබෙනවා.
🥽 VR/AR: Metaverse වගේ ලෝකවල වැඩ කරන්නත් මේක මරු.

අනාගතයේදී අපිට Mouse හරි Keyboards හරි වෙනුවට මේ වගේ ස්මාර්ට් බෑන්ඩ් එකක් විතරක් තිබුණම ඇති වෙයි! ⚡

-Senura –